減肥前
減肥後
尚營會員 Yoyo

  【生完好似未生過咁‼️纖腰出返嚟💃🏻】

一世人都無諗過同個「肥」字有掛勾,但自從生咗兩個小朋友,時間無咗,連自己都無埋,仲好記得決定減肥前有一日同事話係街撞到我,佢影低我嘅背面俾我睇,嗰一刻真係震驚,原來我已經變得咁大份。

未認識營養師Kiki之前,我有試過自己減,食烚菜烚雞胸,總之咩都唔敢食,但係都瘦唔到。Kiki就令我認識到原來減肥係可以食飯,可以出街食,話我知點食先係長久嘅方法,如果自己煮,可以煎炒煮焗炆都得,又教我睇營養標籤,而家仲識煮埋俾小朋友食,全家人都健康咗♥️我到而家都唔敢相信,只係短短3個月就減咗22磅,脂肪由39%減到31%,仲fit過生小朋友之前🤩🤩

好多謝Kiki嘅專業,有時候我對自己太緊張,有時重咗少少佢都話唔緊要,之後再努力,話我知實做到的,令我有返信心。Kiki,之後我會好好keep住呢個飲食習慣,繼續運動,唔會辜負你㗎😘

撰文:戰友 Yoyo
負責營養師:Kiki Leung

* 免責聲明:減肥效果因人而異,必須跟從營養師指引,配合均衡飲食及適量運動。