減肥前
減肥後
尚營會員 Cyrus
所減磅數 220磅 179 磅
所減脂肪 32% 20%

  

 大家好!我係Cyrus!

從我減肥前的身形來看,大家一定以為我由細肥到大,其實小一嘅時候我曾經贏過跑步亞軍ga!不過小三開始我就愛上麥記嘅炸雞翼,並迷上喪食帶來嘅飽肚滿足感,就這樣,我體重就不斷飆升,變成了肥仔一名。

去到小六嘅時候,家人開始意識到我要減肥,因為擔心我踏入青春期之後更加一發不可收拾,所以就去咗一間歷史悠久嘅減肥中心。但由於我當時並非自願性減,加上未明白肥胖會爲我帶來嘅各種體能、健康和外表印象嘅劣勢,所以失敗收場!

到中學階段,我開始接觸到放題文化,陷入泥沼深潭,次次同朋友見面都會約食放題,貪多時間傾計。同時又成日都怕蝕底底,”戰死方休”, 甚至好幾次仲食到嘔先識停!最高紀錄喺連續3餐食放題 ! 然後中五就去咗英國留學,雖然運動量比香港更多,但係都冇辦法彌補到入鄉隨俗嘅多油多肉飲食習慣,返香港後體重就達到最高峰嘅220磅 ! 後來經家庭醫生介紹,我就去咗尚營坊。

第一次見到營養師Thomas俾我嘅餐單,我覺得驚為天人,竟然餐餐有飽飯食,而且同我以前上網睇嘅謠言惑衆、五花百門的減肥方法唔同,非常容易理解,並且很科學,唔係一味斷食來斷食去,覺得自己餓過就等於減左肥。我每星期亦都同營養師見面不斷溝通,解答我各種刁鉆問題,和教導我如何避免外出食飯的油脂陷阱。期間,我想同同學食放題佢又比我去,連同學都覺得點解我可以減肥食咁多嘢,就係咁,六個月就成功減咗42磅,脂肪回復到男仔嘅正常水平,我好高興自己可以成功達到目標,最開心嘅係體能都改善埋,增加咗我踢足球嘅耐力,呢樣真係令我喜出望外。

最後,我知道家人一直都非常擔心我嘅健康,我答應你們,我會努力好好保持,希望令你哋都會安心多!

撰文:戰友Cyrus

* 免責聲明:減肥效果因人而異,必須跟從營養師指引,配合均衡飲食及適量運動。