減肥前
減肥後
尚營會員 阿穎
所減磅數 142.6磅 111.8 磅
所減脂肪 35.2% 23.2%

  

 大家好,我叫阿穎。

我本身屬於瘦身形,鍾意食野,未至於食極唔肥,但通常幾個朋友出街食飯,我會做包底嗰個,一餐可以食三碗飯,一個人可以食兩個麥記餐,朋友形容我係「黑洞」。

喺大約6年前陀緊bb嘅時候,我恃住大肚,覺得就算食肥咗都唔覺。生完第一胎諗住減肥,試過節食、戒晚餐/澱粉質、做運動、做機,但無一樣可以持久,因為對於一個鍾意食野嘅人黎講:

*節食/戒晚餐
隨意減食量或skip一餐,搞到經常心思思想食野,個心理關口好難過,好辛苦。

*戒澱粉質
我鍾意食粉麵飯,所以無論邊一餐都好,無澱粉質就好似無食過野咁。

*做運動
肥咗咁多好難跑得郁。嗯⋯都係一個字:懶。

*做機
試做過,覺得貴,無繼續做,實在唔捨得比咁大舊錢去試一啲唔知係咪真係有效果嘅野。
到生完第二胎,覺得自己肥到一個點,著衫要加大碼、行步路都感覺到腰間嘅贅肉肉騰騰、肥腫難分。有一日網上見到有一樣產品叫代餐,想試下,但身邊朋友話可能唔食之後會磅數反彈,再加上食落肚嘅野,都係小心啲好,聽朋友話佢地有朋友搵營養師幫手,真係見到有效果同埋唔反彈,於是我搵咗尚營坊,一開始係覺得比50蚊做諮詢,就算覺得唔想做都唔會好蝕,而且諗住如果今次都減唔到肥,我就認命唔再減肥。

見完營養師Sharon,覺得有幾件事好amazing :

* Sharon 比咗個餐單我,起初跟餐單食有啲唔習慣,主要係因為覺得我要成日不停食野,每餐都覺得食得好飽(連黑洞都覺得飽!!)整個減磅過程我未餓過!

* 食營養餐都可以好多選擇又好味,我試過跟尚營坊facebook 其中一個post教人用一茶匙油煮星洲炒米,原來真係得!又試過整韓式嫩豆腐海鮮湯,勁得!

* Sharon會因應我嘅生活習慣/慶祝日子而調整餐單,令我就算出外用餐都唔會無啖好食。

* 加大碼變細碼不是夢,之前為左掩飾自己嘅肥膏,要著加大碼衫褲,跟咗營養師大概3個月,已經覺得褲頭同大腿位有少少鬆(暗喜!),大約半年,腰、手臂、大腿都瘦咗(連肚腩都無埋!),唔再虎背熊腰,要買過啲衫褲,真係可以著返細碼(大喜!)

* 跟咗餐單一段日子,基本上已適應同習慣咗營養餐嘅飲食模式,唔會再好似以前咁無節制咁食野。亦都連我以前全日可以唔飲水嘅懷習慣,變成而家一日可以飲足8杯水!

* 整個減磅過程,其實唔算成日做運動,一星期兩至三日,每次對住youtube 條片做大約35分鐘,對於懶人黎講唔難執行。
從來冇諗過只係用半年時間,就輕鬆減走31磅,脂肪仲減到23%,家人同朋友都見證到我減肥成功,個個都讚我叻,但其實主要功臣係營養師Sharon,我相信無佢嘅鞭策、督促、鼓勵同建議,我應該又會半途而廢。

撰文:戰友阿穎

* 免責聲明:減肥效果因人而異,必須跟從營養師指引,配合均衡飲食及適量運動。