【戰友YY減咗60磅，大髀間唔再磨損喇?】

細個開始就好鐘意食嘢，特別鐘意麥當勞、腸仔、炸豬扒雞翼呢啲好唔健康嘅嘢食。加上疫情可以唔洗成日見人，飲食有幾唔健康就幾唔健康，食量同一個男士差不多～所以體重達至人生巔峰，接近200磅，身體有55%都係脂肪！醫生話再唔減就會有糖尿病。。。

其實一直都無諗住減肥，因為覺得自己無可能會成功。但有日係IG見到朋友減得好好，所以就跟佢係尚營坊減肥喇。
好開心遇到個好friendly嘅營養師Sharon，教我點樣飽住瘦，出街又可以點揀嘢食，仲有得成日食我最愛嘅三哥同叉燒飯！唔食澱粉質會死嘅我真係放心好多。我餐餐都食足一碗飯又可以食肉。跟咗餐單2個星期左右，啲體重就好似開buff咁不停下降。於是我再努力控制飲食加上一個星期做3-4日運動，好快就係一年間減咗60磅喇?，減咗接近三份一嘅體重啊！

我自己係一個好鐘意煮嘢食嘅人，係減肥期間亦都發現好多唔同嘅減脂食譜。低脂青咖喱雞、芝士肉醬意粉、炒烏冬炒飯、茄子肉碎、餐肉辛辣麵、滷水雞髀牛展雞腎⋯⋯尼啲減肥餐，滿足到自己之餘又推動到自己繼續減落去。只要係唔辛苦嘅減肥方法，自自然然就可以持之以恆，好過坊間好多唔同嘅減肥法。

雖然距離自己嘅目標仲有一段路，但我覺得係尚營坊嘅呢段旅程絕對值得。減肥唔單止係可以買到靚衫扮靚，最重要係個人健康靈活咗好多，以前我係一個完全唔跑步，行小小樓梯都索哂氣勁大汗嘅人，宜家夏天要我追巴士都覺得步履輕盈！仲有，唔需要每兩、三個月就磨爛一條牛仔褲，大髀之間因為長期磨損而着唔到短褲，要特登去啲大碼online shop買貴嘅大碼衫。。。

我真係好感恩自己參加左尚營坊，中途都會有想放棄或者減重倦怠忍唔到口嘅時間。但回望返過去同望一望今日嘅收獲，都好值得，最想多謝嘅係我嘅營養師Sharon，同埋好支持我肯陪我食減肥餐嘅朋友，同我自己。尼度學到嘅嘢，培養到嘅健康飲食習慣，真係終身受用！

撰文：戰友 YY
負責營養師：Sharon